പാ​ല​ക്കാ​ട്: അ​ട്ട​പ്പാ​ടി​യി​ൽ ആ​ദി​വാ​സി സ്ത്രീ​യെ കൊ​ല​പ്പെ​ടു​ത്തി ഉ​ൾ​വ​ന​ത്തി​ൽ കു​ഴി​ച്ചി​ട്ട​താ​യി ഭ​ർ​ത്താ​വി​ന്‍റെ വെ​ളി​പ്പെ​ടു​ത്ത​ൽ. ഇ​ല​ച്ചി​വ​ഴി സ്വ​ദേ​ശി വ​ള്ളി​യ​മ്മ​യെ (45) ആ​ണ് ര​ണ്ടാം ഭ‍​ർ​ത്താ​വാ​യ പ​ഴ​നി(46) കൊ​ല​പ്പെ​ടു​ത്തി​യ​ത്.

പു​തൂ​ർ പ​ഞ്ചാ​യ​ത്തി​ൽ ഇ​ല​ച്ചി​വ​ഴി സ്വ​ദേ​ശി​യാ​യ വ​ള്ളി​യ​മ്മ​യെ ര​ണ്ട് മാ​സം മു​മ്പ് കാ​ണാ​താ​യി​രു​ന്നു. അ​മ്മ​യെ കാ​ണാ​നി​ല്ലെ​ന്ന് വ്യ​ക്ത​മാ​ക്കി മ​ക​ൾ പു​തൂ‍‍‍​ർ പോ​ലീ​സി​ൽ പ​രാ​തി ന​ൽ​കി. തു​ട‍​ർ​ന്ന് പോ​ലീ​സ് പ​ഴ​നി​യെ സം​ശ​യം തോ​ന്നി ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​പ്പോ​ഴാ​ണ് നി​ർ​ണാ​യ​ക വി​വ​രം പു​റ​ത്ത​റി​യു​ന്ന​ത്.

ര​ണ്ട് മാ​സം മു​മ്പാ​ണ് കൊ​ല​പാ​ത​കം ന​ട​ന്ന​ത്. വി​റ​ക് ശേ​ഖ​രി​ക്കു​ന്ന​തി​നി​ടെ ത​ർ​ക്കം ഉ​ണ്ടാ​യി വ​ള്ളി​യ​മ്മ​യെ താ​ൻ കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്ന് പ​ഴ​നി പോ​ലീ​സി​നോ​ട് വെ​ളി​പ്പെ​ടു​ത്തി. പി​ന്നീ​ട് മൃ​ത​ദേ​ഹം വ​ന​ത്തി​ൽ കു​ഴി​ച്ചി​ട്ട ശേ​ഷം ര​ക്ഷ​പ്പെ​ടു​ക​യാ​യി​രു​ന്നു​വെ​ന്നും പ​ഴ​നി സ​മ്മ​തി​ച്ചു. വ​ള്ളി​യ​മ്മ​യെ കൊ​ന്നു കു​ഴി​ച്ചി​ട്ടു​വെ​ന്ന് പ​ഴ​നി പ​റ​ഞ്ഞ സ്ഥ​ലം ഇ​ന്ന​ലെ പോ​ലീ​സ് ക​ണ്ടെ​ത്തി​യി​രു​ന്നു.

പ​ഴ​നി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ പ്ര​ദേ​ശ​ത്ത് ഇ​ന്ന് റ​വ​ന്യൂ ഉ​ദ്യോ​ഗ​സ്ഥ​രു​ടെ​യും ഫോ​റ​ൻ​സി​ക് സം​ഘ​ത്തി​ന്‍റേ​യും നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തും.